香港有唔少着名国际学校，好多除咗係住喺香港嘅外国人子女读之外，好多本地达官贵人都会安排仔女入读。不过我知好多人对于读国际学校嘅学生都会觉得係佢哋高人一等。近日网上有段片就係一位读国际学校女生拍低自己返学嘅一日生活，畀大家第一身直接见到佢哋嘅生活。片段上网后引起网民热烈讨论，因为片中嘅学生唔单止唔係高人一等嘅感觉，反而畀好多香港中产嘅仔女更贴地！仲有唔少网民都话接触过国际学校嘅学生，发觉佢哋有好多优点。
返学放学坐公共交通
上咗高中之后嘅国际学校，原来为咗环保，都呼吁学生坐公共交通工具，所以好多就算住山顶、贝沙湾、跑马地嘅学生都会坐巴士、小巴或者校巴返校；相反中产仔女，无阿妈揸车车返去，点显得高贵呀？
有礼貌对人人平等
国际学校嘅学生好有礼貌，唔係讲紧单单对老师，甚至对校工、学校工作人员都极有礼貌，唔少网民话喺地铁见过佢哋好热心让座之余，对乘客都相当有礼，未染上伪中产仔女当工人姐姐係奴仆嘅个性。
物慾极低最贵係电脑
好多外国人教育子女都係要大家感受当下，唔係纯用物质生活去衡量，所以学生细细个就明白物质生活唔係一切，观乎佢哋好多人全身最贵就係返学要用嘅MacBook，其他名牌物品或者时下年轻人追嘅潮牌都唔见。
