旅行係好开心，但执行李好痛苦呀!日本有位女网友ポイズンちゃん(@poisoncookie00)就在Twitter上分享女生外游超齐全嘅行李清单，大致可分成6大类:
1. 衣物:鞋、袜、丝袜、内外衣物、夜用胸围、束腰/束脚裤等功能内衣、贴身半截裙
功能内衣视乎个人需要而带，咁点解要带贴身半截裙?咁窄唔会好唔方便咩?原来係用来测试旅行暴食有冇肥到…鞋款又以黑白色平底鞋、运动鞋最百搭又方便行走。
2. 日常用品:梳、镜、橡筋、发夹、风筒、雨伞、自拍棍、自拍专用镜头
3. 个人护理:牙膏、牙刷、洁面乳、沐浴露、洗头水、护发素、洁面用品、洁面毛巾、洁面用起泡网、剃毛用品、棉花、化妆棉、棉花棒、指甲用品(指甲钳、美甲油、修甲工具)、润唇膏、卫生巾、香水、细包装纸巾、胶布
因应情况可以少带酒店提供嘅物品，不过唔少地方嘅纸巾或厕纸都太薄，最好自备用料坚韧嘅纸巾。
4. 美容护肤品:护肤品(面霜、面膜、眼膜、爽肤水、化妆水、精华油、磨砂）、化妆品(眼线笔、眉笔、眼影、睫毛液、粉底、BB Cream、唇膏）、 卸妆水、润手霜、防晒用品、直发夹/电发棒、电发定形液、护发用品、止汗剂、衣物清新剂
好似漏咗面膜喎，临瞓前必敷！另外，有啲女生习惯去到当地先买药妆即日用，但建议大家最好带备自己常用嘅旅行装面霜及药膏，以防紧急情况时可以即刻用。
5. 药物:平安药、眼药水、隐形眼镜专用清洗液、保养液、止痛薄荷贴、发热眼罩、营养补充剂
近年旅行恩物个人首选蒸气眼膜，搭长途机或喺酒店房瞓唔着时就大派用场!另外，皮肤容易敏感嘅女仔，一定要带自己用开嘅敏感药膏，万一在外地买唔到就麻烦了。
6. 随身物品:银包、手机、耳机、手表、眼镜/隐形眼镜＋眼镜盒、耳环、手链等饰物、充电器、电池、变压器
旅行前预备定1个细袋仔，专放重要私人物件及贵重财物如证件同埋钱，与其他旅行用品分开，避免混乱。
普遍女网民都认为呢个清单好有参考价值，不过部分女生认为咁复杂嘅清单只适用于较细心嘅女生，或者应该以旅行日子长短作标准，决定要带咩物品。至于男网友嘅感想，一来同情女生有咁多嘢要带真係好辛苦，二来终于明白，「点解你哋行李成日超重!」
图片来源: https://smart-bigaku.com
