前排台庆，林盛斌(Bob)一句「最红嘅喺晒度」，残酷地道出大台近年人脚买少见少的现实。眼见电视框框来来去去都个几个演员，你睇连江嘉敏都被推到做女一，就知咩事。而备受重用嘅王浩信，就不停忙拍剧，一人担正咗好多角色。而佢因为拍剧整伤咗只手，于是衬拍完打戏去睇医生，结果发现尾指骨折。寻日佢係ig贴咗几张相，一张见佢左手打咗石膏，要用手臂吊带固定只手，另一张则是张X光相，伤势睇落都唔轻。
佢话：「经过呢件事，我发现原来我底果浸当我面对自己钟意做既嘢，痛都可以唔理嘅质地无被岁月冲淡，就好似以前拗咗柴第二日就落场打波嗰种热血，仲好似比以前严重左。我真係觉得几开心，因为我感到活着！」
对于打工仔来说，搵到钟意的工作当然好，但如果一份工日日开夜车，做到五劳七伤，相信个份热血都唔够弥补。咁究竟咩情况下，会令打工仔放弃一份自己好钟意的工作呢？
缺乏职业发展
对住一份自己钟意的工作，可以死做烂做，但如果做极都係比别人领功，又或无发展上位的机会，难免令人灰心。
无好队友
正所谓道不同不相为谋，如果上司或老板同自己意见不及，对成品的期望亦不同，做落去都无意思。
压力爆煲
正正因为係理想工作，对自己的要求也特别高，无形之间比自己好大压力，当压力爆煲时，正好话比你知，係时候休息一下或转换新环境。
相片来源：vincentwong07 @ig
