日前日本网站《女子SPA!》刊登一篇读者投稿，係一位32歳人妻嘅自白，佢以前係一位钟情109辣妹打扮，因为对书店店长一见钟情，决定转变夸张形象，换上一头黑直发同埋男性受落(男ウケ)打扮，扮纯情埋店长身，好快将店长私有，两年后仲结埋婚!
不过，呢位人妻体内依然流住辣妹嘅血，佢根本唔钟意乖乖女打扮，为咗令自己心理平衡，佢呃老公话係同旧同学食饭，其实每个月都会搵一日去朋友屋企大变身，然后去饮酒，做返真正嘅自己!
人妻临走前会换好衫，散哂一身酒气先返屋企。点知有次饮到猫哂，就咁以一身性感衣着搭的士返屋企，老公当然超惊讶，正当辣妹烦紧要点解释时，老公拎张卡片佢睇，原来佢以前係「辣妹俱乐部」常客，超钟意女生作辣妹打扮!自此之后，人妻唔驶再带住假面具做人，可以自由穿着心爱服装!
上文提到「男ウケ」打扮，即係受男性喜欢及欢迎嘅打扮，坦白讲男人第一眼望你样同埋身材，其次就係睇你衣着打扮。要塑造出男士心目中理想嘅girlfriendable穿搭，不妨参考以下穿搭贴士:
1. 衬衫＋迷你短裙
印花图案衬衫配搭迷你短裙，原来係唔少男士最喜欢嘅女生穿搭，简单嘅配搭就轻易展现女生优雅又具气质嘅一面。
2. 吊带裙＋T-shirt
根据非正式统计，男生最喜欢女生着裙，觉得着一条连身裙太过单调，可以吊带裙内搭T-shirt，带出甜美休闲气息，同时增加造型层次感。
3. 中长裙＋贴身上衣
中长裙在走路时随风摆动，当着起高踭跟鞋时微微露出脚踝线条，格外优雅迷人，配搭简单贴身上衣，突显上身迷人曲线，令男生目光难以从你身上离开。
4. 露膊衫＋A字裙
大部分男生都唔想另一半着得太性感，所以女生只要露少少就够，可以拣露肩上衣，微微展露出肩颈及锁骨线条，若隐若现嘅性感，最能提升佢对你嘅好感度。
5. 全白穿搭
纯白色服饰除咗令肌肤更白皙，同时亦散发仙气，随时随地融化男人个心。
图片来源: http://motenavi.doorblog.jp
